Fjórhjólaferðir með Hólasport

Hólasport er opið allt árið. Ferðir eru daglega frá maí fram til loka október. Utan þess tíma erum við með opið fyrir hópa eftir frekara samkomulagi. Einnig getum við sniðið ferðir eftir óskum viðskiptavina t.d. vetrarferðir. Ferðir á hálendi Íslands geta verið erfiðar á vorin þegar frost er að fara úr jörð og sumar leiðir verið lokaðar um nokkurn tíma.

Okkar gestir hafa undantekningalaust talað um að þetta hafi toppað allt sem þeir hafa gert á Íslandi.

Landbrotshólarnir eru myndaðir úr hrauni sem rann að sumra fræðimanna sögn um 930 úr Eldgjá en er að margra mati miklu eldra eða um 5-7000 ára gamallt. Hvað sem því líður þá eru hólarnir einstakt náttúruvætti sem myndast við það að glóandi hraun rennur yfir votlendi t.d. blauta mýri eða grunnt vatn.  Vatnið tekur að sjóða undir hrauninu og myndar gufusprengingu sem þeytir hrauninu upp og myndar annað hvort gerfigíg eða hól.  Þetta er okkar umhverfi. 

Þetta eru frábærar ferðir sem sameina frábæra náttúruskoðun sem og meiriháttar skemmtun fyrir alla.  Þetta  er ekki leiðinleg keyrsla í halarófu.  Við erum sérfræðingar í að skila öllum ánægðum, vönum sem óvönum ökumönnum, hvort sem fólk er að leita eftir rólegri náttúruskoðun eða hörku keyrslu og fjöri.   

Í allar ferðir sem við skipuleggjum fer þaulvanur leiðsögumaður með ykkur í ferðirnar. Hann mun fara yfir öryggisreglur,  kenna á hjólin og sjá til þess að allir skemmti sér vel og komi heilir heim. Við leggjum til hlífðargalla, hjálma og vettlinga.  Tímalengd ferða getur lengst eða styst eftir aðstæðum s.s. veðri og í samráði við viðskiptavini.  Við getum tekið 16 manns í einu og fara þá 2 gædar með í ferðina.